ONION-მომსახურებები

Onion-მომსახურებები (ცნობილი, როგორც DarkNet ანუ „ჩრდილოვანი ქსელი“) წარმოადგენს მომსახურებებს (აგრეთვე საიტებს) რომლებიც მხოლოდ Tor-ქსელის საშუალებითაა ხელმისაწვდომი.

Onion-მომსახურებებს გააჩნია გარკვეული უპირატესობები, ჩვეულებრივ, დაუცველ ქსელთან შედარებით:

• Onion-მომსახურებების მდებარეობა და IP-მისამართები დამალულია, რაც ართულებს ზედამხედველებისა და ცენზორების მიერ მათ აღმოჩენასა ან მათი გამშვებების დადგენას.
• მიმოცვლილი მონაცემები Tor-ის მომხმარებლებსა და Onion-მომსახურებებს შორის დაცულია გამჭოლი დაშიფვრით, ასე რომ შეგიძლიათ არ იდარდოთ HTTPS-ით დაკავშირებაზე.
• Onion-მომსახურების მისამართი თავისით იქმნება, ასე რომ საიტის მმართველს, არ ესაჭიროება დომენური სახელის შეძენა; მისამართის .onion დაბოლოება, აგრეთვე ეხმარება Tor-ს იმის დამოწმებაში, რომ კავშირი სწორადაა დამყარებული და ადგილი არ აქვს უნებართვო ჩარევებს.

წვდომის მიღება ONION-მომსახურებებთან

სხვა ვებსაიტების მსგავსად, გესაჭიროებათ Onion-მომსახურების ზუსტი მისამართის ცოდნა, მასთან დასაკავშირებლად. Onion-მისამართი შედგება, როგორც წესი, შემთხვევით შერჩეული 56 ასობგერისა და ციფრისგან, დაბოლოებით „.onion“.

როდესაც უკავშირდებით ვებსაიტს, რომელიც onion-მომსახურებას იყენებს, Tor-ბრაუზერი გაჩვენებთ მისამართების ველში ხახვის ხატულას, კავშირის მდგომარეობის აღსანიშნავად: უსაფრთხოა და იყენებს onion-მომსახურებას. ვრცლად, იხილავთ Onion-საიტის შესახებ რომელსაც სტუმრობთ, წრედის მეშვეობით.

კიდევ ერთი საშუალება, Onion-საიტზე ინფორმაციის მისაღებად, თუ საიტის მფლობელს აქვს დანერგილი, არის Onion-მდებარეობა. Onion-მდებარეობა არის განსხვავებული სახის HTTP-თავსართი, რომლითაც საიტებს შეუძლია თავიანთი onion-ასლის ხალხისთვის შეთავაზება. თუ ვებსაიტს, რომელსაც სტუმრობთ გააჩნია onion-საიტიც, იისფერი შემოთავაზება გამოჩნდება მისამართების ველში ტექსტით „.onion ხელმისაწვდომია“ როცა დაწკაპებთ „.onion ხელმისაწვდომიას“, ვებსაიტი ახლიდან ჩაიტვირთება უკვე onion-მისამართიდან.

საიტის Onion-ვერსიისთვის უპირატესობის მისანიჭებლად, შეგიძლიათ ჩართოთ Onion-მდებარეობაზე ავტომატური გადამისამართება. დაწკაპეთ მთავარ მენიუს (≡), გადადით პარამეტრებზე, აირჩიეთ პირადულობა და უსაფრთხოება, სადაც Onion-მომსახურებების არეში ნახავთ „უპირატესობა .onion-საიტებს ამოცნობისას“ და მონიშნეთ „ყოველთვის“. ან, თუ უკვე გაშვებული გაქვთ Tor-ბრაუზერი, შეგიძლიათ ახალ ჩანართში ჩასვათ ასლი მოცემული მისამართის: about:preferences#privacy და შეცვალოთ პარამეტრი.

ONION-მომსახურების დამოწმება

დამოწმებული onion-მომსახურება ისეთი მომსახურებაა, რომელიც საჭიროებს კლიენტის მხრიდან დასამოწმებელი საბუთის წარმოდგენას, მომსახურებასთან წვდომის მისაღებად. როგორც Tor-მომხმარებელმა, შეგიძლიათ დაამოწმოთ ვინაობა პირდაპირ Tor-ბრაუზერში. მომსახურებასთან კავშირისთვის, დაგჭირდებათ მონაცემები, რომლებსაც Onion-მომსახურება მომსახურება მოგაწვდით. როდესაც ეწვევით დამოწმებულ onion-მომსახურებას, Tor-ბრაუზერი მისამართების ველში გამოაჩენს პატარა რუხ გასაღებს, თანდართული წარწერით. შეიყვანეთ სათანადო საიდუმლო გასაღები, შესატან ველში.

ONION-მომსახურებების შეცდომები

თუ ვერ უკავშირდებით Onion-საიტს, Tor-ბრაუზერი მოგაწვდით შეცდომის შესაბამის შეტყობინებას, თუ რატომაა საიტი მიუწვდომელი. შეცდომები სხვადასხვა შრეზე შეიძლება წარმოიშვას: კლიენტის მხარეს, ქსელში ან მომსახურების მხარეს. ზოგიერთი შეცდომა შეიძლება გამოსწორდეს ხარვეზების აღმოფხვრის არედან. ცხრილში ქვემოთ ნაჩვენებია ყველა შესაძლო შეცდომა და მოქმედება, რომელიც გამოსადეგია ხარვეზის გამოსასწორებლად.

კოდი	შეცდომის დასახელება	მოკლე აღწერა
XF0	Onion-საიტი ვერ მოიძებნა	უმეტესად შედეგია იმისა, რომ საიტი არაა ხაზზე ან გამორთულია. დაუკავშირდით Onion-საიტის ხელმძღვანელობას.
XF1	Onion-საიტი მიუწვდომელია	Onion-საიტი მიუწვდომელია შიდა შეცდომის გამო.
XF2	Onion-საიტი გათიშულია	უმეტესად შედეგია იმისა, რომ Onion-საიტი არაა ხაზზე ან გამორთულია. დაუკავშირდით Onion-საიტის ხელმძღვანელობას.
XF3	ვერ უკავშირდება Onion-საიტს	Onion-საიტი დატვირთულია ან Tor-ქსელია გადატვირთული.. კვლავ სცადეთ მოგვიანებით.
XF4	Onion-საიტი საჭიროებს შესვლის დამოწმებას	Onion-საიტთან წვდომისთვის საჭიროა გასაღები, რომელიც არ მითითებულა.
XF5	Onion-საიტზე დამოწმება ვერ მოხერხდა	მითითებული გასაღები არასწორი ან გაუქმებულია. დაუკავშირდით Onion-საიტის ხელმძღვანელობას.
XF6	Onion-საიტის არამართებული მისამართი	მოცემული Onion-საიტის მისამართი არასწორია. გთხოვთ, გადაამოწმოთ შეყვანამდე.
XF7	Onion-საიტის წრედის შექმნის დრო ამოიწურა	ვერ მოხერხდა Onion-საიტთან მიერთება, შესაძლოა სუსტი კავშირის გამო.

ხარვეზების მოგვარება

თუ საჭირო Onion-მომსახურებასთან წვდომას ვერ ახერხებთ, დარწმუნდით რომ მისამართი სწორად შეგყავთ: მცირე შეცდომაც კი არ მისცემს Tor-ბრაუზერს საიტთან წვდომის საშუალებას.

თუ მაინც ვერ ახერხებთ დაკავშირებას Onion-მომსახურებასთან მისამართის გადამოწმების შემდეგაც, გთხოვთ სცადოთ ხელახლა მოგვიანებით. შესაძლოა დროებითი შეფერხება იყოს ან საიტის ხელმძღვანელობამ გაუფრთხილებლად გამოთიშა ხაზიდან.

თუ Onion-მომსახურება, რომელთან წვდომასაც ცდილობთ შედგება 16 ასონიშნისგან (V2 სახეობის), ამგვარი მისამართები მოძველებულია და გაუქმდება.

ამასთან, Onion-მომსახურებებთან წვდომის შესაძლებლობა შეგიძლიათ გადაამოწმოთ DuckDuckGo-ს Onion-მომსახურებასთან. დაკავშირების მეშვეობით.